《律政英雄2》播大結局

木村拓哉套新劇《律政英雄2》噚晚終於播到最後一集，木村同女主角北川景子率領班拍檔上直播節目造勢，而睇番由7月開播以嚟，《律政2》每集收視都一直領先，總算為被指唔再係收視保證嘅木村爭番啖氣。大結局收視率有22.9%，成績唔算特別好，由於今年勁收嘅劇集冇乜，所以《律政英雄2》已經係今年最高收視劇集



《律政2》換咗北川景子做女主角引起唔少反對聲音，呢幾個月嚟都盛傳松隆子會喺大結局回歸客串，雖然富士電視台早已否認，但係廣大觀眾依然一廂情願會再見到松隆子同木村嘅經典配搭，結果最後嗰集一如所料係冇松隆子出現，搞到唔少劇迷例牌上網鬧餐飽。

《律政2》嘅話題性亦不及另一套由上戶彩主演、講述主婦出軌嘅劇集《晝顏》，由於《晝顏》仲未播大結局，成績尚未知道。而觀眾一廂情願以為大結局有第一集松隆子客串，但結果並沒有特別嘉賓出現，令觀眾柴台。